பண்பையும் பாசத்தையும்
நிறைவாய் கொடுத்து...
அன்பையும் அறிவையும்
அதிகமாய் வைத்து
ஆண்டவன் அனுப்பிய
ஆப்பநாட்டு ஆண்மகனே...
உனக்கான இந்நாளில்
உனக்காகவே சில வரிகள் இதோ...
அன்பாய் எடுத்துரைத்து
பக்குவமாய் கடிந்துரைத்து
உரிமையாய் அறிவுரைக்கும்
உண்மையான உறவே...
உன்னை
அண்ணனென்று சொல்வதா
ஆசானென்று சொல்வதா
என்னவென்று சொன்னாலும்
என் தலைவன் நீயேதான்..!
கதிரவனை வெல்லும்-உன்
கடமை உணர்ச்சி
கயவருக்கும் உதவும்-உன்
கருணை உள்ளம்
இமயத்தை உருக்கும்-உன்
இரக்க குணம்
இதுவே தொடரட்டும்
இறைவனும் நீ தான்..!
ஆயிரமாயிரம் இதயங்களின்
அன்புமகுடம் நீ தான்..!
அவர்கள் வெற்றிபாதையின்
கலங்கரை விளக்கமும் நீ தான்..!
ஊக்கமெனும் காற்றை சுவாசித்து
உறுதியெனும் நாற்றை பயிர்வித்து
வெற்றியே அறுவடை செய்யும்
வெற்றியாளனும் நீயே தான்..!
வீரமே உன் முகம்
வீறுதமிழ் உன் நாக்கு
சூழ்ச்சிகள் எது வந்தாலும்
சூரணாக நீயே வெல்வாய்..!
வருடங்கள் ஒவ்வொன்றும் உன்
வளர்ச்சிகளே எண்ணி நிற்கும்..!
பதவிகள் ஒவ்வொன்றும் உன்
பாதம்தொடவே காத்திருக்கும்..!
புதிரான இந்த உலகை
புரிதலோடு அணுகி
அழியா புகழ் பெற்று
அணையா ஒளி வீசிட
வாழ்த்துகிறேன் அண்ணா
உனக்கான இந்நாளில்..!
இனிய பிறந்தநாள் வாழ்த்துக்கள் அண்ணா
